नेपालमा ‘पर्यटन र शान्ति’ भन्ने नाराका साथ विश्व पर्यटन दिवस मनाइँदै छ । हरेक सेप्टेम्बर २७ मा यो दिवस मनाउने गरिन्छ । दिवसको अवसरमा नेपालका पनि विभिन्न कार्यक्रमको आयोजना गरी दिवस मनाइदै छ । यसैविच पर्यटनमन्त्री बद्रीप्रसाद पाण्डेले नेपाललाई विश्वकै उत्कृष्ट गन्तव्यको रूपमा स्थापित गर्न आवश्यक रहेको बताउनुभएको छ ।
विश्व पर्यटन दिवसका अवसरमा शुभकामना सन्देश दिँदै उहाँले नेपाल प्राकृतिक, सांस्कृतिक एवं ऐतिहासिक सम्पदाहरूले शोभायमान रहेको भन्दै यहाँको संस्कृति, प्रकृति, सम्पदा र इतिहासलाई पर्यटकीय गतिविधिसँग आबद्ध गरेर विश्वमा उत्कृष्ट पर्यटकीय गन्तव्यका रूपमा स्थापित गर्न आवश्यक रहेको बताउनुभएको हो । त्यसैगरी, पर्यटनको लाभ दुर्गम तथा ग्रामीण भेगसम्म पुर्याउन ग्रामीण पर्यटन, पर्यावरणमैत्री पर्यटन र समुदायमा आधारित पर्यटनसँग आबद्ध गर्दै अघि बढ्न उपयुक्त हुने बताउनुभयो । दिवसले नेपालको तुलनात्मक लाभको रूपमा रहेको पर्यटन क्षेत्रको विकास र प्रवद्र्धनमा सहयोग पुग्ने उहाँको विश्वास छ ।
