२३ पुस
दाङको तुलसीपुर उपमहानगरपालिका वडा नम्बर ६ ले आफ्नै लगानीमा सडकको नयाँ ट्रयाक खोल्न थालेको छ ।
मदननगर हुँदै बनकट्टा जोड्नका लागि सडकको नयाँ ट्रयाक खोल्न थालिएको हो । पवित्रनगर टोल विकास संस्थाबाट सोमबारदेखि नयाँ ट्रयाक खोल्ने काम शुरु भएको वडा अध्यक्ष वर्षात भण्डारीले जानकारी दिनुभयो ।उहाँका अनुसार सहरीकरणका कारण जनघनत्व बढ्दै गएको हुँदा सवारी आवागमनमा सहजताका लागि नयाँ ट्रयाक खोल्न थालिएको हो । अहिले करिब ७ मिटर सडकको ट्रयाक खुल्ने उहाँले बताउनुभयो ।
दायाँ–बायाँ ६ मिटर चौडाइको सडकको ट्रयाक खुल्न लागेको छ । सडकको ट्रयाक खुल्ने भएपछि स्थानीय खुशी भएका छन् ।
